Plantun de Prouvènço

Pèr coumpara dos planto d'encò nostre

Narcissus tazetta & Helictotrichon sempervirens

Narcissus tazetta

Amaryllidaceae

Noms en français : Narcisse à bouquet, Narcisse de Constantinople.

Descripcioun :
Aquesto coucourdano forço poulido se recounèis à si dos coulour (n'i'a pamens que n'an qu'uno). Li couquet caupon de 2 à 12 (20) flour qu'embaumon. Li fueio sorton à l'autouno. Trachis dins li relarg umide e proche d'estang.

Usanço :
Touto la planto es empouisounanto e majamen la cabosso ounte s'atrobo forço acalouïde di proun dangerous. Ei pas couseia meme d'agué un couquet dins uno chambro que pau ensuca. Part acò li coucourdano porton peréu lou noum de "mau-de-tèsto". Soun couneigudo desempièi li mège grè pèr èstre de bon boumitòri e douna uno espetaclouso fouiro. Mefisas-vous n'en.

Port : Erbo
Taio : 15 à 80 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Narcissus
Famiho : Amaryllidaceae

Coulour de la flour : Blanco
Petalo : 6
Ø (o loungour) flour : Pancaro entresigna
Flourido : Printèms Ivèr

Sòu : Ca
Autour basso e auto : Pancaro entresigna
Aparado : Noun

Liò : Prado umido - Ribiero
Estànci : Termoumediterran à Mesoumediterran
Couroulougi : Pancaro entresigna
Ref. sc. : Narcissus tazetta L., 1753

Civado(-toujour-verdo)

Helictotrichon sempervirens

Poaceae Graminaceae

Nom en français : Avoine sempervirente.

Descripcioun :
La civado-toujour-verdo es uno grando civado renadivo que trachis en mato dins li tepiero roucaiouso is adré de mountagno. Li fueio soun pulèu larjo pèr uno civado renadivo (> 1 mm). La grosso mato sus sòu cauquié ajudo à la recounèisse un cop qu'avès verifica qu'èro uno civado. En mai, cado espigueto caup uno flour barbudo emé l'arèsto torso e uno autro emé uno arèsto mai courteto e drecho. I'a pas trop pèr s'engana. Coumpara pamens emé lis àutri civado renadivo e majamen Helictotrichon sedenense.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 40 à 100 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Helictotrichon
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 8 à 15 cm
Flourido : Printèms - Estiéu

Sòu : Ca
Autour basso e auto : 1700 à 2200 m
Aparado : Noun
Jun à juliet

Liò : Tepiero roucaiouso seco
Estànci : Mountagnard à Subaupen
Couroulougi : Ouroufito-Aupenco-Sud-Ouèst
Ref. sc. : Helictotrichon sempervirens (J.Woods) Pilg., 1938 (= Avena sempervirens Vill, 1779 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Narcissus tazetta & Helictotrichon sempervirens

ges

Coumpara Coucourdano emé uno autro planto

Coumpara Civado(-toujour-verdo) emé uno autro planto